Мэндчилгээ

Эрхэм сонгогч та бүхэнтэй онлайнаар мэндчилж байна.Энэхүү цахим хуудаснаас Улсын Их Хурлын гишүүн миний санаачилан өргөн мэдүүлсэн хууль, чуулганы нэгдсэн болон байнгын хороодын хуралдаануудад хэлсэн үг, цаг үеийн мэдээ мэдээлэл, хэвлэлийн тойм зэрэг мэдээллийг авах боломжтой.Мөн цахим хуудсаараа дамжуулан та бүхнээс асуулт, санал хүсэлт шуурхай хүлээн авах болно.Танд амжилт хүсье.

 

ХОЛБОГДОХ

ИРЛАНД ДАХЬ МОНГОЛ ИРГЭДТЭЙ УУЛЗЛАА

2012оны 12сарын 10

12569-26214700Европын аюулгүй байдал, хамтын ажиллагааны байгууллага (ЕАБХАБ)-ын гишүүн орнуудын Гадаад хэргийн сайд нарын зөвлөлийн 19 дүгээр хуралдаанд Гадаад харилцааны сайд Л.Болд тэргүүтэй Монголын төлөөлөгчид амжилттай оролцлоо.

Хуралдааны үеэр сайд Л.Болд Украины Гадаад хэргийн сайд болон Ирланд, Литвийн төлөөлөгчдийн тэргүүн нартай тус тус уулзаж, Монгол Улс тус байгууллагад дэмжлэг үзүүлсэнд талархал илэрхийлж, цаашдын хамтын ажиллагааны талаар санал солилцов.

ЕАБХАБ-ыг гишүүн орнууд нь жил бүр ээлжлэн даргалдаг бөгөөд тус байгууллагыг 2011 онд  Литва Улс, энэ онд Ирланд Улс тус тус даргалах бол ирэх 2013 онд Украин Улс даргалах юм.
Түүнчлэн ЕАБХАБ-ын гишүүн орнуудын Гадаад хэргийн сайд нарын зөвлөлийн 19 дүгээр хуралдааны үеэр тус байгууллагын отгон гишүүн Монгол Улсыг танилцуулсан фото зургийн бэсрэг үзэсгэлэн гаргав.

Мөн өдөр Гадаад харилцааны сайд Л.Болд Ирланд Улсад хөдөлмөрлөж, сурч, амьдарч буй Монгол иргэдтэй уулзаж, Монгол Улсын Шинэчлэлийн Засгийн газраас хилийн чанадад амьдарч буй Монгол иргэдийн эрх ашгийг хамгаалах чиглэлээр хийж байаа болон хийхээр төлөвлөж буй арга хэмжээний талаар мэдээлэл өгч, тэдний сонирхсон асуултад хариуллаа.